Azierbajdžan abvinavaciŭ Armieniju ŭ hibieli ludziej pry abstrele Hiandžy. Jerevan abviarhaje
Armianskija ŭzbrojenyja siły abstralali druhi pa vieličyni horad Azierbajdžana — Hiandžu, zajaviła ŭ Facebook Ministerstva abarony Azierbajdžana.
«Horad Hiandža padvierhnuŭsia abstrełu z terytoryi Bierdskaha rajona Armienii», — paviedamiła viedamstva.
U Jerevanie hetyja abvinavačvańni źniapraŭdzili. «Zhadanyja pretenzii absalutna iłžyvyja i nie majuć nijakaha dačynieńnia da realnaści», — napisała ŭ Facebook pres-sakratar Minabarony Armienii Šušan Ściepanian.
Pavodle źviestak MNS Azierbajdžana, rakieta trapiła ŭ žyły dom i całkam razburyła budynak. Pavodle papiaredniaj infarmacyi, u vyniku abstrełu paciarpieli 17 čałaviek, ratavalniki dastali z-pad zavałaŭ cieły piaci zahinułych, paviedamili ŭ viedamstvie.