U Dobrušy zatrymali 15-hadovaha administratara telehram-kanała «Danyja karnikaŭ Biełarusi»
Pra heta paviedamiła pres-słužba MUS.
Pavodle infarmacyi milicyi, padletak u telehramie abnaŭlaŭ i raźmiaščaŭ infarmacyju pra supracoŭnikaŭ orhanaŭ unutranych spraŭ. Sa słoŭ niepaŭnaletniaha, u žniŭni jamu napisaŭ nieviadomy, prapanavaŭšy stvaryć i administravać telehram-kanał «Danyja karnikaŭ Biełarusi», paviedamlaje MUS. Dla hetaha treba było repościć źviestki ź inšych padobnych pablikaŭ.
U siaredzinie žniŭnia školnik stvaryŭ taki kanał — i raźmiaščaŭ tam asabistyja źviestki milicyjantaŭ. Akramia hetaha, jon prasiŭ padpisčykaŭ ab materyjalnaj dapamozie dla raźvićcia resursu i padtrymki paciarpiełych ludziej. Usie srodki pieraličvalisia na bitkojn-kašalok administratara.
U dačynieńni da padletka pravodziać pravierku, abiacajuć dać «pravavuju acenku pa faktach paklopu, publičnaj abrazy pradstaŭnika ŭłady ŭ suviazi z vykanańniem im słužbovych abaviazkaŭ, niezakonnaha źbirańnia albo raspaŭsiudžvańnia infarmacyi ab pryvatnym žyćci, machlarstva».
Zaraz praca telehram-kanała, u jakim było bolš za 7100 padpisčykaŭ, kantralujecca milicyjaj.
Zaznačajecca, što ŭstanoŭleny niekatoryja padpisčyki, jakija nakiroŭvali dla publikacyi źviestki ab supracoŭnikach siłavych struktur.