Ambasada ZŠA zaklikała być hatovymi da pierabojaŭ u suviazi z mahčymaj usieahulnaj zabastoŭkaj u Biełarusi
Ambasada ZŠA papiaredziła hramadzian pra mahčymyja składanaści i pieraboi ŭ suviazi z zabastoŭkami i pratestami ŭ Biełarusi paśla zakančeńnia terminu «Narodnaha ŭltymatumu» 25 kastryčnika.
Hramadzian ZŠA zaklikajuć sačyć za navinami, prajaŭlać pilnaść, zakupicca praduktami i vadoj napierad, a taksama zahadzia źniać hrošy ŭ bankamacie na vypadak novych adklučeńniaŭ internetu.
«Padtrymlivajcie prynamsi trochdzionny zapas vady, praduktaŭ, miedykamientaŭ, najaŭnych hrošaj i inšaha nieabchodnaha dla pilnych patreb», — papiaredžvaje pasolstva ŭ paviedamleńni ŭ siabie na sajcie.