U AAN 53 krainy raskrytykavali dziejańni biełaruskich uładaŭ na pratestach
Bolš za 50 dziaržaŭ, u liku jakich ZŠA, Vialikabrytanija, Niamieččyna, Francyja, Polšča, Ukraina, Estonija, vystupili z krytykaj dziejańniaŭ biełaruskich uładaŭ u dačynieńni da pratestoŭcaŭ, piša ria.ru
Zajava ad imia 53 dziaržaŭ na pasiadžeńni treciaha kamiteta Hienasamblei AAN, jaki zajmajecca sacyjalnymi i humanitarnymi prablemami, ahučyŭ stały pradstaŭnik Estonii pry arhanizacyi Śvien Jurhiensan.
«My rašuča asudžajem represii z boku biełaruskich uładaŭ u dačynieńni da mirnych demanstrantaŭ, u tym liku… viadomych spartsmienaŭ, žurnalistaŭ i inšych rabotnikaŭ ŚMI, a taksama členaŭ apazicyi», - zajaviŭ Jurhiensan.
Aŭtary zajavy taksama zaklikajuć ułady Biełarusi «nie vykarystoŭvać nibyta mierkavańni nacyjanalnaj biaśpieki jak padstavu dla admovy ludziam u … ich asnoŭnych svabodach, uklučajučy svabodu vykazvańnia mierkavańniaŭ, a taksama prava na mirnyja schody».