Supracoŭnicu «Jelcyn centra» zatrymali ŭ Biełarusi. Jana naviedvała chvoruju mamu
PEN-Maskva
Šef-redaktara internet-prajektaŭ «Jelcyn centra» Marynu Pietruško zatrymali 25 kastryčnika ŭ Biełarusi padčas adpačynku, paviedamiła ŭ aŭtorak «Interfaksu» pieršy namieśnik vykanaŭčaha dyrektara Prezidenckaha centra Barysa Jelcyna Ludmiła Cieleń.
«Maryna Pietruško znachodziłasia ŭ čarhovym adpačynku na svajoj radzimie — u Baranavičach. Jana naviedvała vielmi pažyłuju mamu. U niadzielu pa darozie da mamy jaje zatrymali na aŭtobusnym prypynku», - skazała surazmoŭca ahienctva.
Cieleń adznačyła, što z-za pandemii karanavirusa Pietruško, źjaŭlajučysia hramadziankaj RF, adkładała adpačynak i nie naviedvała mamu, što chvareła i pieraniesła insult.
Pietruško znachodzicca ŭ izalatary časovaha ŭtrymańnia.
«Pa biełaruskich zakonach sud pavinien prajści na praciahu 72 hadzin. (…) Maryna nie ŭdzielničała ni ŭ jakich palityčnych akcyjach, heta vidavočnaje nieparazumieńnie», — padkreśliła Cieleń, tłumačačy, što pasolstva i konsulstva Rasii ŭ kursie situacyi.