Pašynian vystupiŭ za ŭvod rasijskich miratvorcaŭ u Karabach
Uvod rasijskich miratvorcaŭ moža stać «aptymalnym rašeńniem» kanfliktu ŭ Nahornym Karabachu. Pra heta zajaviŭ premjer-ministr Armienii Nikoł Pašynian u intervju haziecie The Daily Telegraph.
«Ja vystupaju za ŭvod rasijskich miratvorcaŭ u zonu kanfliktu», — skazaŭ Pašynian.
U toj ža čas jon dadaŭ, što raźmiaščeńnie miratvorcaŭ z Rasii ŭ hetym rehijonie pavinna być uchvalenaje ŭsimi bakami kanfliktu.
U siaredzinie kastryčnika kiraŭnik MZS Rasii Siarhiej Łaŭroŭ zajaviŭ, što apošnija damoŭlenaści, jakija abmiarkoŭvali pradstaŭniki Armienii i Azierbajdžana, uklučajuć uvod u Nahorny Karabach miratvorcaŭ. Pa słovach ministra, jany b harantavali «nieadnaŭleńnie bajavych dziejańniaŭ».
Paśla hetaha ŭ Kramli ŭdakładnili, što Rasija moža adpravić u Karabach miratvorcaŭ tolki sa zhody Baku i Jerevana, adznačaje RBK.