Pry pierasiačeńni ŭkrainskaj miažy zatrymany anarchist Ihar Alinievič
Unačy 29 kastryčnika pry pierasiačeńni dziaržaŭnaj miažy pamiežnikami byŭ zatrymany były palitviazień i aktyvist anarchisckaha ruchu Ihar Alinievič, paviedamlaje spring96.org
Baćkam pra zatrymańnie paviedamili z pamiežnaha pierachodu ŭ Jelsku.
Pa słovach maci zatrymanaha Valanciny, jany doŭha namahalisia daviedacca pra jahonaje dalejšaje miescaznachodžańnie i pryčyny zatrymańnia. Spačatku im kazali, što Ihara adpravili ŭ Kalinkavičy, adnak u miascovym adździaleńni milicyi nie chacieli kazać, dzio jon utrymlivajecca. Tolki naprykancy ŭčorašniaha dnia stała viadoma, što Ihara Alinieviča nibyta ŭtrymlivajuć u Mazyry.
Baćki Ihara ab pryčynach zatrymańnia praktyčna ničoha nie viedajuć, aproč taho, što Śledčym kamitetam pa Homielskaj vobłaści vierahodna zaviedziena kryminalnaja sprava, u miežach jakoj jon byŭ zatrymany.
Ihar Alinievič praciahły čas žyŭ za miažoj i ŭ Biełaruś amal nie viartaŭsia.