Piaciarych rabotnikaŭ Mazyrskaha NPZ zatrymali za akcyju ŭ padtrymku kalehi, jakoha zatrymali napiaredadni
Ranicaj 29 kastryčnika rabotnik Mazyrskaha NPZ Viačasłaŭ Astanin vyjšaŭ da prachadnoj pradpryjemstva z płakatam «Nie soramna pierad Azotam?». Jaho zatrymali. Na nastupny dzień piaciora kalehaŭ Viačasłava vyjšli na akcyju ŭ jaho padtrymku z ułasnymi płakatami — i ich taksama zatrymali. Pra heta Tut.by paviedamiŭ čytač, infarmacyju paćvierdzili va UUS Homielskaha abłvykankama.
— Usich zatrymali za ŭdzieł u akcyi na hetym fota. Heta reakcyja na zatrymańnie Viačasłava Astanina, — napisaŭ čytač.
Infarmacyju paćvierdziŭ aficyjny pradstaŭnik UUS Homielskaha abłvykankama Vital Prystromaŭ.
— 30 kastryčnika piaciora mazyrian udzielničali ŭ niesankcyjanavanym masavym mierapryjemstvie. U dačynieńni da ich byŭ raspačaty administracyjny praces. Materyjały pa dvuch udzielnikach užo razhledžany. Jašče try materyjały płanujecca razhledzieć zaŭtra (4 listapada).
Pavodle infarmacyi čytača, adnamu z zatrymanych rabotnikaŭ Mazyrskaha NPZ dali 10 sutak, inšy atrymaŭ štraf 30 bazavych vieličyń. U dačynieńni da samoha Viačasłava Astanina taksama byŭ składzieny pratakoł za ŭdzieł u niesankcyjanavanym mierapryjemstvie, suda pakul jašče nie było.