U Minsku na vulicy Pulichava zatrymali niekalki čałaviek — tam źbiraŭsia Žanočy marš
U skviery na vulicy Pulichava siońnia miełasia prajści žanočaja akcyja salidarnaści. Jaho ideja źjaviłasia paśla pieratrusu ŭ kvatery Niny Bahinskaj. Biełaruski vyrašyli padtrymać minčanku z devizam «siońnia Nina — zaŭtra my». Adrazu paśla pačatku akcyi siłaviki ŭ čornym zładzili zatrymańni.
Praź niekalki chvilin dziaŭčaty pa parach znoŭ pačali źbiracca niedaloka ad tramvajnych šlachoŭ. U ich rukach byli biełyja kvietki. Praz paru chvilin padjechaŭ šery mikraaŭtobus, niekalkich žančyn zatrymali.