Aryštam za akcyju salidarnaści ŭ Minsku pakarali jašče adnaho doktara
Jak paviedamlaje telehram-kanał «Biełyja chałaty», 11 listapada asudzili na 8 dzion aryštu Arcioma Šahijeva, doktara, kiraŭnika źmien padstancyi №4 chutkaj miedycynskaj dapamohi Minska.
«Biełyja chałaty»
Viadoma, što adbyvać aryšt jon budzie ŭ turmie ŭ Žodzinie.
9 listapada sud daŭ 13 dzion aryštu viadučamu navukovamu supracoŭniku adździaleńnia ŭrałohii RNPC ankałohii i radyjałohii Alaksandru Miniču.
Jaho zatrymali razam z 50 miedykami, jakija 7 listapada sprabavali arhanizavać akcyju salidarnaści ŭ Minsku, ale ich zatrymali adrazu paśla taho, jak jany vyjšli da 1-j kliničnaj balnicy
Doktara-ankołaha Minskaha haradskoha ankałahičnaha dyspansera Śviatłanu Dabryjan asudzili na 13 sutak. Aryštam taksama pakarali lekara-traŭmatołaha Ihara Čancava — na 15 dzion.