U Lidzie raźbili akno ŭ kvatery, dzie visieŭ čyrvona-zialony ściah
Zdareńnie adbyłosia kala 22:00 17 listapada. 52-hadovaja žycharka Lidy paviedamiła ŭ milicyju ab tym, što nieviadomyja raźbili joj akno kamianiami, na jakich zamacavanyja zapiski z abrazami, paviedamlaje SK.
Jana raskazała, što na aknie ŭ kvatery byŭ raźmieščany čyrvona-zialony ściah, što, na jaje dumku, stała pryčynaj ahresii.
SK
Milicyja, pravioŭšy rasśledavańnie ŭ miascovych telehram-kanałach, vyjaviła fota taho samaha akna sa ściaham, a niezadoŭha da zdareńnia ŭ tym ža kanale apublikavana fota nieviadomych ź bieł-čyrvona-biełym ściaham z podpisam: «Ludzi iduć da ciabie ŭ hości, adčyniaj!»
Na miescy zdareńnia byli znojdzienyja try kamiani z cydułkami, pry hetym dva ź ich prabili škło naskroź, a adzin kamień upaŭ na vulicy.
Zaviedziena kryminalnaja sprava pa č. 1 art. 339 (chulihanstva).