«U kožnym rajonie vyznačana 3-6 miescaŭ, jakija patrabujuć uvahi»: u Minskharvykankamie raspaviali, jak buduć zmahacca z vuličnaj aktyŭnaściu
Arciom Curan, BiełTA
U Minsku pracu pa naviadzieńni paradku skancentrujuć na terytoryjach, jakija padvierhnutyja ŭpłyvu «destruktyŭna nastrojenych hramadzian», — paviedamlaje Minharvykankam u svaim telehram-kanale.
Arciom Curan, namieśnik staršyni Minharvykankama, skazaŭ nastupnaje: «Paŭnamoctvy ŭsich słužbaŭ horada prapisanyja zakanadaŭča, i ich dastatkova dla naviadzieńnia paradku ŭ Minsku. U miežach hetych paŭnamoctvaŭ słužby i buduć dziejničać.
Płanam mierapryjemstvaŭ praduhledžvajecca «kancentracyja namahańniaŭ na terytoryjach, jakija najbolš schilnyja ŭpłyvu destruktyŭna nastrojenych hramadzian, psavańni majomaści».
Arciom Curan patłumačyŭ, što havorka idzie pra ŭzmacnieńnie rastłumačalnaj pracy, dziažurstvy i zamacavańnie za takimi terytoryjami słužbovych asob i kiraŭnikoŭ słužbaŭ, jakija adkazvajuć za padtrymańnie paradku.
U kožnym administracyjnym rajonie vyznačany ad 3 da 6 miescaŭ, jakija patrabujuć asablivaj uvahi. Ich pieralik budzie adlustravany ŭ płanie mierapryjemstvaŭ, jaki prapanujuć siońnia zaćvierdzić na siesii Minharsavieta.