U Minsku zatrymali muzykantaŭ, jakija vystupali ŭ padziemnym pierachodzie
Ranicaj 20 listapada na płoščy Jakuba Kołasa ŭ Minsku milicyjanty zatrymali vuličnych muzykaŭ, jakija vystupali ŭ padziemnym pierachodzie. Ich pahruzili razam ź instrumientami ŭ busik i pavieźli ŭ nieviadomym nakirunku. Adzin z zatrymanych — Alaksandr Škiranda, piša Radyjo Svaboda.
U Barysavie na pracy ranicaj zatrymanaja zahadčyca miascovaha miedcentra «Sinłab» Taćciana Udavienka. Siastra paviedamiła, što mahčymaja pryčyna — udzieł u akcyjach pratestu.