Cichanoŭskuju zaprasili na sustreču z Bajdenam
Fota z telehram-kanała Śviatłany Cichanoŭskaj
Śviatłanu Cichanoŭskuju zaprasili na sustreču z budučym prezidentam ZŠA Džo Bajdenam. Pra heta jana paviedamiła ŭ intervju Biełsatu.
«My płanujem sustreču z Džo Bajdenam, u nas užo jość zaprašeńnie na takuju sustreču», — raspaviała Cichanoŭskaja.
Z boku Biełaha doma anonsaŭ pakul nie było.
***
Raniej hazieta The Washington Post u redakcyjnym artykule prapanavała zaprasić Cichanoŭskuju na inaŭhuracyju Džo Bajdena, što maje adbycca 20 studzienia. A 14 śniežnia Kalehija vybarščykaŭ pavinna zaćvierdzić Bajdena na pasadu prezidenta. U jaho 306 hałasoŭ, u Trampa — 232.