Kačanava raskazała, jakija telehram-kanały čytaje
Pra heta staršynia Savieta Respubliki raspaviała ciońnia na sustrečy sa studentami žurfaka BDU, paviedamlaje «Studenckaja dumka».
«Ja ŭstaju a 6-j ranicy i adrazu ŭklučaju televizar. I krytyki ŭ bok televizara ŭ mianie hučyć šmat. Hladžu naviny, haziety ja čytaju ŭ siłu svajoj prafiesijnaj dziejnaści, — raskazała Natalla Kačanava. — Lublu drukavanyja vydańni. Ale kali adkryć moj telefon, to možna znajści telehram: «Puł pieršaha» tam, *** taksama [papularny kanał, pryznany ŭ Biełarusi ekstremisckim. — NN]».
Taksama Natalla Kačanava adkazała na pytańnie, što jana dumaje pra vykazvańnie Łukašenki, što Kanstytucyja Biełarusi zroblena nie pad žančynu:
«Prezident mieŭ na ŭvazie nie toje, što nie pad žančynu, a što Kanstytucyja — heta archiskładanaja praca. I ciapier heta vielmi składana, bo prezident u nas ciapier adkazvaje za ŭsio. Tamu jon prosta kazaŭ pra toje, što heta vielmi ciažka i heta nie prosta pradstaŭničyja funkcyi.
Na prezidencie ciapier lažać našy zamiežnyja adnosiny, unutranyja. Kanstytucyja ŭ nas siońnia takaja, što pa kožnym kirunku kantrol i funkcyi prezidenta ŭ niejkaj častcy. I heta admova ad asabistaha žyćcia, za taboj ža kraina», — skazała staršynia Savieta Respubliki.