Na hetym tydni dniom budzie nievialiki maroz, ale nočču miescami da -14
Fota Nadziei Bužan
«Upłyŭ chałodnaha sibirskaha antycykłonu minułaj nočču raspaŭsiudziŭsia i na Biełaruś. Na bolšaj častcy terytoryi krainy hetaja noč była samaj chałodnaj u hetym siezonie», — raskazali BiełTA ŭ Hidramiecie.
Unačy było 5-10 hradusaŭ marozu, u stalicy — -8. Z-za ŭmieranaha paŭdniova-ŭschodniaha vietru tempieratura zdajecca jašče nižejšaj.
U aŭtorak biez apadkaŭ, na asobnych učastkach daroh hałalodzica. Viecier paŭdniova-zachodni, paryvisty, nočču miescami ŭ zachodnich rajonach mocny, paryvisty. Unačy ad -3 pa zachadzie da -12 pa ŭschodzie krainy, dniom budzie 1-6 marozu.
U sieradu ŭnačy 7-14 hradusaŭ marozu, na paŭdniovym zachadzie — -4…-6. Dniom budzie 1-7 nižej za nul.
U čaćvier nočču ŭ asobnych rajonach nievialiki śnieh, ranicaj i dniom na bolšaj častcy terytoryi Biełarusi čakajucca apadki (śnieh, mokry śnieh, na paŭdniovym zachadzie z daždžom), hałalodzica. Nočču 5-12 hradusaŭ marozu, dniom budzie ad nula da -5, na paŭdniovym zachadzie — +1…+2.
U piatnicu, 11 śniežnia, mokry śnieh, doždž. Miescami mahčyma nalipańnie mokraha śniehu, hałalod, na darohach hałalodzica. Unačy ad -5 da +2, na paŭnočnym uschodzie pry prajaśnieńniach — da -7. Dniom budzie ad -4 da +3.
Pavodle papiarednich prahnozaŭ sinoptykaŭ, u vychodnyja ŭ mnohich rehijonach Biełarusi zachavajecca zimovy charaktar nadvorja, tolki ŭ krajnich paŭdniova-zachodnich rajonach čakajecca adliha.