Łukašenka: Usich darmajedaŭ, što boŭtajucca, treba nieadkładna pastavić na ŭlik i prymusić pracavać
BiełTA
Pra heta Alaksandr Łukašenka zajaviŭ siońnia na naradzie pa ekanomicy, paviedamlaje telehram-kanał Puł pieršaha.
«Nieadkładna zaniacca pracaŭładkavańniem biespracoŭnych. Z orhanami milicyi, padklučycie, kaho vy ličycie patrebnym. Nieadkładna pastavić na ŭlik usich darmajedaŭ, što boŭtajucca, i prymusić ich pracavać. Paŭtaraju, jak by niepapularna heta ni hučała. Siońnia [jon] nie pracuje, boŭtajecca čałaviek — heta nie prosta pratestun na vulicy, heta budučy złačyniec, jaki padkidvaje nam kožny dzień, kožny tydzień, kožny miesiac złačynstva, i my tracim vielizarnyja hrošy dla raskryćcia hetych złačynstvaŭ, a potym niekatorych jašče trymajem u miescach nie hetak addalenych. Jašče raz paŭtaraju, prymuście ŭsich pracavać. U kožnaha pavinien być pieralik takich darmajedaŭ», — skazaŭ siońnia Łukašenka.