Łukašenka ŭ 4-j balnicy. 70% łožkaŭ — pacyjenty z kavidam
Łukašenka praciahvaje pajezdki pa balnicach. Śledam za 6-j balnicaj, Viciebskaj radzilniaj i CRB u Stoŭbcach jon pryjechaŭ u 4-ju balnicu.
«Tema kavidu — ciapier №1 z tych, što chvalujuć», — piša telehram-kanał «Puł pieršaha».
Hałoŭny doktar 4-j balnicy Vacłaŭ Januška raskazaŭ, što ŭsiaho ŭ klinicy 888 łožkaŭ, 70% ź ich addadzieny pad kavidnych pacyjentaŭ.
Pry hetym balnica praciahvaje akazvać usie pasłuhi pa svaim profili, praŭda, u mienšym abjomie.
Łukašenka adznačyŭ, što «samaje hałoŭnaje — utrymacca na hetych łožkach. Niepažadana pašyracca».