Narkołah raskazaŭ, jakaja doza ałkaholu nie zaškodzić arhanizmu
Čajnaja łyžka ałkaholu nie pryniasie škody arhanizmu, a ŭžyvańnie śpirtnoha ŭ bolš značnych dozach užo moža mieć niehatyŭnyja nastupstvy. Pra heta zajaviŭ rasijski psichijatr-narkołah Alaksandr Koŭtun.
«Lačebnaja doza ałkaholu — heta čajnaja łyžka ŭ jakaści mijarełaksantu, adaptohienu i antystresu. Usio, što bolš, — heta ŭžo taksičnyja i atrutnyja dozy, u toj ci inšaj stupieni heta budzie prynosić škodu», — skazaŭ Koŭtun.
Jon dadaŭ, što nie daviaraje śćviardžeńniam ab karyści čyrvonaha vina. Pavodle jaho słoŭ, pra heta kažuć tyja, chto lubić hety napoj, abo tyja, chto tak ci inakš źviazany ź jaho vytvorčaściu.