Advakatu Illu Saleju praciahnuli na dva miesiacy chatni aryšt
Fota Nadziei Bužan
Hienieralnaja prakuratura praciahnuła chatni aryšt advakatu Illu Saleju jašče na dva miesiacy — da 16 lutaha 2021 hoda. Pra heta paviedamlaje pres-słužba Viktara Babaryki.
Illa Salej — juryst štaba Babaryki i advakat Maryi Kaleśnikavaj. Jaho zatrymali 9 vieraśnia pa «spravie Kaardynacyjnaj rady» razam z druhim advakatam — Maksimam Znakam. Paśla sustrečy Alaksandra Łukašenki ŭ SIZA KDB z palitviaźniami Saleju źmianili mieru ŭtrymańnia: 17 kastryčnika stała viadoma, što jon pieraviedzieny pad chatni aryšt.
«Illa sustrenie Novy hod u adzinocie. Jamu zabaroniena pakidać kvateru na praciahu ŭsiaho času sutak, mieć znosiny z usimi akramia advakataŭ. Jon nie moža karystacca internetam, telefanavać i adpraŭlać papiarovyja listy», — paviedamlaje pres-słužba Babaryki.
Darečy zaŭtra, 18 śniežnia, budzie roŭna paŭhoda, jak byli zatrymanyja Viktar i Eduard Babaryki.