U Minsk na sustreču z Łukašenkam pryjechaŭ były apostalski nuncyj Hudžeroci. Jak pasłańnik Papy Franciška
BiełTA
Były apostalski nuncyj Kłaŭdya Hudžeroci znoŭ u Minsku. U Minsk Hudžeroci pryjechaŭ jak śpiecpasłańnik Papy Rymskaha Franciška, paviedamlaje «Puł pieršaha».
Siońnia arcybiskup sustreŭsia z Łukašenkam.
«Ja vielmi rady, što Jaho Śviataść Papa Francišak nakiravaŭ vas u Biełaruś. Mnie pryjemna z vami sustrecca, u mianie dobryja ŭražańni zastalisia ad sustreč, pieramovaŭ, razmoŭ z vami, kali vy słužyli tut. I ja zaŭsiody kazaŭ, što ciapierašni Papa Rymski Francišak, z majho punktu hledžańnia, heta narodny čałaviek», — zajaviŭ Alaksandr Łukašenka.
BiełTA
Kłaŭdya Hudžeroci byŭ apostalskim nuncyjem (pasłom Vatykana) u Biełarusi ź lipienia 2011 pa listapad 2015 hoda. Rehularna na Dziady adviedvaŭ Kurapaty i Traścianiec, kab ušanavać pamiać rasstralanych.
Zatym byŭ apostalskim nuncyjem va Ukrainie. U lipieni 2020 hoda pryznačany apostalskim nuncyjem u Brytanii.