Žurnalistka Kaciaryna Andrejeva znoŭ pieraniesła mocny alerhičny prystup u žodzinskim SIZA
«U minułuju piatnicu, 11 śniežnia, Kaciaryna pieraniesła alerhičny prystup, joj znoŭ kałoli leki ŭnutrymyšačna. Paśla ŭkołu joj stała lahčej, prystup całkam prajšoŭ, — raspaviadaje muž žurnalistki Ihar Iljaš, — Heta ŭžo druhi taki vypadak ciaham śniežnia, minuły raz Kaciaryna pieraniesła prystup 3 śniežnia. Pryčyna alerhii ŭ starych pylnych matracach, dzie, imavierna, vodziacca pyłavyja klaščy».
Psichałahična Kaciaryna znachodzicca ŭ dobrym stanie, jana nie hublaje prysutnaści duchu, kaža muž.
«Taksama ja daviedaŭsia, što Kaciaryna nie atrymlivaje maich listoŭ, ich błakuje turemnaja cenzura», — adznačyŭ Iljaš.
Žurnalistki «Biełsata» Kaciaryna Andrejeva i Darja Čulcova znachodziacca za kratami z 15 listapada. Im vystaŭlena abvinavačvańnie pavodle č.1 art. 342 Kryminalnaha kodeksa (arhanizacyja dziejańniaŭ, jakija hruba parušajuć hramadski paradak). Kaciarynu i Darju utrymlivajuć u žodzinskim SIZA.