Najstarejšaja niezaležnaja hazieta Biełarusi adznačaje 30-hodździe
Hazieta «Biełorusy i rynok» (da 2005 hoda — «Biełorusskij rynok» — pieršaje ŭ najnoŭšaj historyi Biełarusi zarehistravanaje niedziaržaŭnaje vydańnie hramadska-palityčnaha źmiestu. Siońnia jana adznačaje 30-hodździe, nahadvaje Tut.by.
Za 30 hadoŭ štotydniovik transfarmavaŭsia ŭ štomiesiačnik.
Jak adznačaje ŭ śviežym numary haziety, jaki vyjdzie zaŭtra, 19 śniežnia, jaje zasnavalnik i pieršy hałoŭny redaktar Viačasłaŭ Chadasoŭski, imknieńnie da svabody — naturalnaje ŭ žurnalisckaj prafiesii. I ŭsio ž nie jano było asnoŭnym padachvočvańniem arhanizavać u 1990 hodzie hazietu ź niezvyčajnaj dla taho času metaj papularyzacyi rynkavaj ekanomiki.
«U pavietry litaralna łunali žadańni pieramien. Ludzi patrabavali lepšaha žyćcia, svabody i nie ŭsim zrazumiełaj da kanca demakratyi. Pra toje, kab niešta pamianiać, va ŭhodu modzie zahavaryli navat tyja, kamu hetyja pieramieny byli čužyja pa sutnaści» — uspaminaje Viačasłaŭ Chadasoŭski.
Siońnia vydańnie ŭznačalvaje Andrej Aleksandrovič.