Cichanoŭskaja ździejśnić vizit u Ispaniju. Heta 10-ja kraina, jakuju jana naviedaje z kastryčnika
Fota z telehram-kanała Śviatłany Cichanoŭskaj
21-23 śniežnia Śviatłana Cichanoŭskaja naviedaje Madryd. Jana praviadzie anłajn-zvanok z kiraŭnikom urada Ispanii Piedra Sančasam, sustreniecca ź ministram zamiežnych spraŭ Aranča Hansales Łajia.
Taksama Śviatłana praviadzie sustrečy ŭ ispanskim parłamiencie i sustreniecca ź miascovaj dyjasparaj, paviedamlaje jaje pres-słužba.
Heta 10-ja kraina, jakuju naviedaje Cichanoŭskaja z aficyjnym vizitam, pačynajučy z kastryčnika. Jana rabiła vizity ŭ Łatviju, Polšču, Aŭstryju, Słavakiju, Daniju, Šviecyju, Niamieččynu, Niderłandy, Bielhiju, dzie sustrakałasia z kiraŭnictvam hetych krain.
Taksama jana sustrakałasia ŭ Vilni z prezidentam Francyi Emanuelem Makronam, ministram zamiežnych spraŭ Kanady Fransua-Filipam Šampaniem.