Vialikabrytanija dałučyłasia da jeŭrapiejskich sankcyj suprać biełaruskich uładaŭ
Vialikabrytanija ŭviała sankcyi suprać biełaruskich uładaŭ, pradublavaŭšy raniej uviedzieny Jeŭrasajuzam treci pakiet sankcyj suprać Minska.
U sankcyjny śpis uniesieny 29 čałaviek, u tym liku namieśnik premjer-ministra Anatol Sivak, staršynia Biełteleradyjokampanii Ivan Ejsmant, kiraŭnik Hrodzienskaj vobłaści, były ministr achovy zdaroŭja Uładzimir Karanik i staršynia Savieta Respubliki Nacyjanalnaha schodu Natalla Kačanava.
Sankcyi ŭviedzieny i suprać hienprakurora Andreja Švieda, ministra infarmacyi Ihara Łuckaha, namieśnika kiraŭnika spravami prezidenta Hienadzia Bohdana i šerahu inšych asob. Abmiežavańni praduhledžvajuć zabaronu na naviedvańnie krain ES i zamarožvańnie jeŭrapiejskich aktyvaŭ.