Hazieta rasijskich biznes-kołaŭ «Viedomosti» nazvała Śviatłanu Cichanoŭskuju «Asobaj hoda»
Fota z telehram-kanała Śviatłany Cichanoŭskaj
Rasijskaja dziełavaja hazieta «Viedomosti» nazvała Śviatłanu Cichanoŭskuju «Piersonaj hoda» ŭ naminacyi «Pryvatnaja asoba».
Abhruntoŭvajučy vybar, redakcyja piša: «Ad chatniaj haspadyni da simvała biełaruskaha pratestu — karjera Śviatłany Cichanoŭskaj była ŭ 2020 hodzie imklivaj. Ale sama jana ničoha takoha nie płanavała — bijahrafiju joj zrabili biełaruskija ŭłady».
«Nieŭzabavie paśla vybaraŭ ułady vymusili jaje pakinuć krainu i zapisać videa z admovaj ad palityčnaj dziejnaści. Ale ŭ Litvie Cichanoŭskaja abviaściła siabie abranym narodam lidaram i zaručyłasia padtrymkaj Zachadu — vystupała ŭ Jeŭraparłamiencie, sustrakałasia z roznymi suśvietnymi palitykami i zaklikała ES uvieści sankcyi suprać Biełarusi.
U hetaj samaj naminacyi kandydatam na pieramohu hazieta taksama nazvała «biełarusa».
«U 2020 hodzie vyśvietliłasia, što my ŭ Rasii šmat čaho nie viedajem pra Biełaruś. I asabliva pra jaje žycharoŭ. Biełarusy spakojnyja, dobrazyčlivyja i niazłyja. Lubiać čyściniu i paradak u domie i ŭ dziaržavie», — piša vydańnie.