Pałkoŭnik MUS i eks-dyrektar «Emir-Motars» atrymali vialikija terminy
Minski haradski sud vynies prysud u adnosinach pałkoŭnika MUS Mikałaja Kudziełki i eks-dyrektary «Emir-Motars» Ihara Krapčuka. Sud prysudziŭ byłoha namieśnika načalnika kamiteta pa baraćbie z arhanizavanaj złačynnaściu i karupcyjaj MUS Mikałaja Kudziełku da 9 hadoŭ pazbaŭleńnia voli ŭ kałonii ŭzmocnienaha režymu. Sud pryznaŭ jaho vinavatym u atrymańni chabaraŭ, złoŭžyvańni słužbovym stanoviščam i niezakonnym nabyćci bojeprypasaŭ.
Akramia hetaha, sud pryznačyŭ 6 hadoŭ pazbaŭleńnia voli eks— dyrektaru «Emir-Motars» Iharu Krapčuku. Jon pryznany vinavatym u davańni chabaraŭ i machlarstvie.
Nahadajem, eks-dyrektar «Emir-Motars» (pradpryjemstva-imparcior aŭtamabilaŭ Tajota ŭ Biełaruś) I.Krapčuk u žniŭni 2008 h. byŭ asudžany da 5 hadoŭ pazbaŭleńnia voli za ŭvoz biez vypłaty mytnych pošlinaŭ bolš čym 300 aŭtamabilaŭ «Tajota». Pa hetaj spravie jamu pradjaŭlenaje abvinavačvańnie ŭ davańni chabaraŭ M.Kudziełku. Byłomu namieśniku načalnika KBAZiK było pradjaŭlenaje abvinavačvańnie ŭ atrymańni chabaraŭ ad kamiersantaŭ na sumu bolš za $800 tys.
Raniej M.Kudziełka prachodziŭ pa hučnaj spravie «troch pałkoŭnikaŭ». U žniŭni 2008 hoda Vajennaja kalehija Viarchoŭnaha sudu prysudziła da doŭhich terminaŭ źniavoleńnia dvuch pałkoŭnikaŭ KDB — byłoha načalnika ŭpraŭleńnia pa baraćbie z arhzłačynnaściu i karupcyjaj KDB Michaiła Michałapa i načalnika kadravaj i ideałahičnaj pracy KDB Alaksandra Miacielicu za atrymańnie chabaraŭ i machlarstva. Pavodle materyjałaŭ kryminalnaj spravy, M.Kudziełka padazrajecca ŭ tym, što atrymaŭ pieršy chabar u pačatku 90-ch. U 2003 h. jon syšoŭ z pravaachoŭnych orhanaŭ na piensiju i ŭładkavaŭsia pracavać u kamiercyjnuju strukturu na pasadu namieśnika dyrektara — načalnika słužby biaśpieki aŭtasałona «Tajota-centr».