U Rasii Navalnaha abviaścili ŭ fiederalny vyšuk. Palityk raniej anansavaŭ viartańnie na niadzielu
Alaksiej Navalny znachodzicca ŭ fiederalnym vyšuku z 29 śniežnia 2020 hoda
Iźviestija
Rasijski palityk Alaksiej Navalny znachodzicca ŭ fiederalnym vyšuku z 29 śniežnia 2020 hoda, piša Meduza.
Advakat Vadzim Kobzieŭ paćvierdziŭ «Miedyjazonie» infarmacyju ab vyšuku. U kamientary «MBCH miedyja» jon skazaŭ, što Navalny nie viedaŭ pra vyšuk, kali 13 studzienia abviaściŭ pra rašeńnie viarnucca ŭ Rasiju 17 studzienia.
«My pra heta daviedalisia ŭčora, paśla taho, jak jon abviaściŭ [pra viartańnie ŭ Rasiju]», — paviedamiŭ Kobzieŭ.
«Adkrytym miedyja» Kobzieŭ skazaŭ, što śpiecyjalna nakont vyšuku jon z Navalnym nie razmaŭlaŭ, ale ŭpeŭnieny, «što heta nijak nie ŭpłyvaje na jaho namier viarnucca».
Vyšuk źviazany z kryminalnaj spravaj «Iŭ Raše», pa jakoj Navalnaha asudzili ŭmoŭna, pryznačyŭšy vyprabavalny termin piać hadoŭ. Jon zakančvaŭsia 30 śniežnia 2020-ha.