Sudździa Šaŭcoŭ aštrafavaŭ baćku siemiarych dziaciej za bieł-čyrvona-biełyja žaluzi na voknach
Jaho aštrafavali za žaluzi navat paśla taho, jak jon pakazaŭ aficyjny adkaz uład Minska.
U sudzie Minskaha rajonnaha suda 21 studzienia razhledzieli spravu Siarhieja Mieljanca: jaho sudzili pavodle pa art. 23.34 KaAP («Parušeńnie paradku arhanizacyi abo praviadzieńnia masavych mierapryjemstvaŭ») za bieł-čyrvona-biełyja žaluzi.
Da materyjałaŭ spravy, jak piša Tut.by, byŭ prykładzieny adkaz minskich uładaŭ na pradmiet rasfarboŭki žaluzi, u jakim dziaržorhan rastłumačyŭ, što nieabchodnaść raźmiaščeńnia firanak, žaluzi, rułonnych štor u kvatery vyznačajecca ŭłaśnikam u zaležnaści ad jaho žadańnia.
Ale sudździa Viktar Šaŭcoŭ paličyŭ inačaj. Jon pryznaŭ Siarhieja Mieljanca vinavatym i prysudziŭ jamu štraf 870 rubloŭ.
Siarhiej Mieljaniec žyvie ŭ vioscy Pryleśsie Minskaha rajona, jon baćka siami dziaciej, viernik-baptyst.