Na svaim pracoŭnym miescy zatrymany supracoŭnik Biełdziaržfiłarmonii Dzianis Ivanoŭ
Artyst kamiernaha choru Dzianis Ivanoŭ byŭ zatrymany ŭčora, 25 studzienia ŭ Biełdziaržfiłarmonii, dzie jon pracuje.
Fota z sajta budzma.by
Pra heta Tut.by paviedamili jaho kalehi.
Jak raspaviali kalehi Dzianisa, jaho zatrymali na pracy ŭ 14 hadzin i pavieźli na dopyt. Ludzi, jakija pryjšli pa Ivanova, nie pradstavilisia. Paśla Dzianis patelefanavaŭ kaleham i skazaŭ, što znachodzicca na dopycie. Jaho paabiacali adpuścić u 19 hadzin.
Kalehi Ivanova miarkujuć, što viečaram učorašniaha dnia jon znachodziŭsia ŭ Pieršamajskim RUUS horada Minska.
Pa stanie na ranicu siońniašniaha dnia, 26 studzienia, miesca znachodžańnie Ivanova nieviadoma. Kalehi miarkujuć, što jon moža znachodzicca na Akreścina. Ale paćvierdžańnia hetaj infarmacyi ŭ nas niama.
Heta nie pieršaje zatrymańnie Ivanova. U kancy kastryčnika-pačatku listapada 2020 hoda zatrymlivaŭsia jak jon, tak i inšyja pradstaŭniki akademičnaj muzyki (kiraŭnik amatarskaha choru Concordia Halina Kazimiroŭskaja, charavy dyryžor Taćciana Hałuza i inšyja). U listapadzie Ivanoŭ atrymaŭ 15 sutak pa artykule 17.1 «Drobnaje chulihanstva».