U Breście za sutki vypała stolki śniehu, jak byvaje za pałovu miesiaca
Pra heta raspaviała pradstaŭnik abłasnoha Hidramieta Śviatłana Žahalskaja.
Fota Bresckaja hazieta
Na bolšaj častcy terytoryi rehijona vypała ad 9 da 16 mm apadkaŭ — heta ad 70% da 135% dekadnaj normy. Pa krajnim zachadzie — 18-21 mm.
Bolš za ŭsio śniehu vypała ŭ Vysokim Kamianieckaha rajona. Takaja kolkaść raŭniajecca 162% dekadnaj normy. U Breście vypała 18 mm —paŭtary dekadnyja normy, udakładniaje BiełTA.
«Na 9.00 25 studzienia (učora) na bolšaj častcy terytoryi Bresckaj vobłaści śnieh praktyčna syšoŭ. Praz sutki vyšynia śniežnaha pokryva skłała ad 2 da 7 sm, u Pružanach — 11 sm. Pa krajnim zachadzie jašče bolšyja hurby. U Breście zafiksavany 21 sm, u Vysokim — 26 sm», — raskazała Śviatłana Žahalskaja.
Šmat śniehu napadała i ŭ Hrodnie. I takoje nadvorje zachavajecca da kanca tydnia.