Škoła i dziciačy sad u Frunzienskim rajonie zastanucca ŭ sieradu biez aciapleńnia
Škoła i dziciačy sadok u Frunzienskim rajonie zaŭtra zastanucca biez aciapleńnia. Dla dziaciej buduć pracavać dziažurnyja hrupy, paviedamili ŭ Minskim harvykankamie.
Aciapleńnia 27 studzienia nie budzie ŭ siaredniaj škole №12 na vuł. Skrypnikava, 38 i ŭ dziciačym sadku №17 na vuł. Adzincova, 117.
Baćkoŭ tych dziaciej, jakija chodziać u hetyja škołu i sad, papiaredzili, što pa mahčymaści dziaciej lepš pakinuć doma.
Školnyja zaniatki buduć pravodzicca ŭ himnazii №31 (vuł. Mazurava, 6), daškalat prymuć u dziciačych sadkach №75 (vuł. Łabanka, 44) i №149 (vuł. Łabanka, 46). Usie dzieci, niahledziačy na źmienu miesca dysłakacyi, zastanucca pad nahladam piedahohaŭ. Uroki, jakija nie ŭdasca pravieści zaŭtra, nie zharać: ich raźmiarkujuć na astatnija dni tydnia.