Stvaralnik Telegram Pavieł Duraŭ sustreŭsia z naślednym pryncam Dubaja. Navošta?
Stvaralnik miesiendžara Telegram Pavieł Duraŭ sustreŭsia z naślednym pryncam Dubaja šejcham Chamdanam bin Machamiedam bin Rašydam al-Maktumam. Pra sustreču paviedamiła pres-słužba ŭrada Dubaja.
Na sustrečy šejch zajaviŭ, što spryjalny dla biznesu asiarodak, stvorany ŭ Dubai, dazvoliŭ raźvicca mnostvu technałahičnych startapaŭ. Duraŭ paćvierdziŭ, što horad staŭ centram dla pradprymalnikaŭ z usiaho śvietu.
«Ja sustreŭ Paŭła Durava — zasnavalnika płatformy Telegram z rynkavym koštam bolš za 20 miljardaŭ dalaraŭ i z bolš čym 570 miljonami karystalnikaŭ — i daviedaŭsia ad jaho padrabiaznaści natchnialnaj historyi pośpiechu, narodžanaj na ziamli AAE…» — napisaŭ šejch u tvitary.
Urad Dubaja ŭražvaje pośpiech Telehrama: 100 miljonaŭ novych karystalnikaŭ tolki za studzień, płanujecca, što da 2022 hoda Telehramam budzie karystacca miljard žycharoŭ płaniety.
Pavieł Duraŭ pasialiŭsia ŭ Dubai i adkryŭ tam ofis Telegram u 2017 hodzie. Jon tłumačyŭ Bloomberg, što vybraŭ hety horad z-za nizkich padatkaŭ. «Na padatki moža sychodzić da pałovy vašaha dachodu. Pa sutnaści, heta značyć, što na praciahu 180 dzion na hod vy pracujecie na ŭrad. Dumaju, ja zdolny znajści hrošam, jakija ja zarablaju, lepšaje prymianieńnie na karyść hramadstva», — kazaŭ Duraŭ.