Chałodny červień
U Viciebsku vypaŭ hrad dyjamietram 9 mm, a na Paleśsi čakajucca prymarazki na tarfianikach.
Cykłon, jaki farmiruje nadvorje ŭ Biełarusi, dniom 5 červienia znoŭ vyklikaŭ navalnicu, hrad i paryvisty viecier.
Jak paviedamili BiełaPAN u Respublikanskim hidramieteacentry,
va ŭsich abłaściach, za vyklučeńniem Homielskaj i Mahiloŭskaj, miescami prajšoŭ hrad. Najbolš bujnym jon byŭ u Viciebsku (9 mm) i Ivacevičach Bresckaj vobłaści (8 mm).
Paryŭ vietru da 19 m/s zafiksavany ŭ Baranavičach (Bresckaja vobłaść), da 18 m/s — u Kastryčnickim (Homielskaja). Najbolšaja kolkaść apadkaŭ vypała ŭ Słucku (Minskaja) — 14 mm, abo 14 litraŭ vady na kvadratny mietr terytoryi.
1 červienia ŭ Lepieli (Viciebskaja vobłaść) i Marjinaj Horcy (Minskaja) vypaŭ hrad dyjamietram 1 sm.
6 červienia ŭ Biełarusi budzie vobłačna z prajaśnieńniami. Miescami karotkačasovyja daždžy, dniom mahčymyja navalnicy. Viecier pieramiennych napramkaŭ 4—9 m/s, pry navalnicach paryvy da 14 m/s. Tempieratura pavietra nočču plus 2—8°C, na tarfianikach Paleśsia zamarazki ad 0 da minus 2°C, dniom plus 12—18°C, na paŭdniovym zachadzie da plus 21°C.