Zatrymanaha ŭ pierachodzie muzyku ŭ dzień UNS aryštavali na 20 sutak
Siońnia sudździa Dźmitryj Karsiuk aryštavaŭ na 20 sutak zatrymanaha ŭčora ŭ padziemnym pierachodzie kala stancyi mietro «Niamiha» muzyku Andreja Drahuna. Jon hraŭ na hitary i śpiavaŭ pieśni.
Na 36-hadovaha Andreja milicyjanty z Centralnaha RUUS skłali dva pratakoły: pa č. 1 art. 23.34 (Udzieł u niesankcyjanavanym masavym mierapryjemstvie) i 23.4 KaAP (Niepadparadkavańnie), paviedamlaje spring96.org.
Muzyka vinu nie pryznaŭ ni pa adnym pratakole. Na pracesie sudździa pytaŭsia ŭ 36-hadovaha mužčyny dziavočaje proźvišča maci.
Sudździa Dźmitryj Karsiuk pryznaŭ Andreja Drahuna vinatavatym pa dvum pratakołam i asudziŭ na 20 sutak administracyjnaha aryštu.