Ukraina ŭniesła Biełaruś u «zialony» śpis krain, adkul možna pryjazdžać biez PCR-testaŭ i samaizalacyi
Ukraina ŭniesła Biełaruś u «zialony śpis» krain. Heta aznačaje, što pry ŭjeździe nia treba pakazvać vyniki PCR-testu i paśla vykonvać 14-dzionny peryjad samaizalacyi.
Ministerstva achovy zdaroŭja Ŭkrainy apublikavała abnoŭleny śpis dziaržaŭ «zialonaj» i «čyrvonaj» zony.
U krainy «zialonaj» zony ŭvajšła i Biełaruś. Ciapier biełarusam pry ŭjeździe nia treba pakazvać vyniki PCR-testu i paśla vykonvać 14-dzionny peryjad samaizalacyi. Adnak pavinien być strachavy polis, jaki pakryvaje vydatki na lačeńnie COVID-19, vydadzieny ŭkrainskaj strachavoj kampanijaj abo zamiežnaj strachavoj kampanijaj, što maje pradstaŭnictva va Ŭkrainie.
Pry hetym pavodle rašeńnia biełaruskaha ŭradu vyjezd biełaruskich hramadzian za miažu, kali jany nie majuć dakumentaŭ z dazvołam žycharstva ŭ inšych krainach, pa-raniejšamu zabaronieny, za vyklučeńniem vyletu ź mienskaha aeraportu.