Prezident Polščy zaklikaŭ vyzvalić Andrejevu i Čulcovu
Andžej Duda zaklikaŭ biełaruskija ŭłady spynić represii suprać svabody słova i hramadzianskich pravoŭ. Jon taksama zaklikaŭ amnistavać asudžanych na dva hady kałonii žurnalistak «Biełsata» Kaciarynu Andrejevu i Darju Čulcovu.
Fota Nadziei Bužan
Jak paviedamiŭ infarmradyjoahienctvu Polščy Kšyštaf Ščerski z kancylaryi prezidenta, Andžej Duda taksama paprasiŭ polskich dypłamataŭ pieradać svoj «rašučy pratest» suprać zatrymańnia, piša «Radyjo Svaboda».
Duda zaklikaŭ krainy ES «salidarna, paśladoŭna i rašuča reahavać na hetaje dalejšaje prajaŭleńnie zadušeńnia asnoŭnych pravoŭ i svabodaŭ».
Nahadajem, što Kaciarynie Andrejevaj i Darji Čulcovaj prysudzili pa 2 hady kałonii ahulnaha režymu za strym z płoščy Pieramien.