U Alšanach małyja dzieci pahulalisia z hruzavikom na 1000 rubloŭ
U žychara Alšanaŭ (Stolinski rajon) złamaŭsia hruzavik. Mužčyna pakinuŭ jaho kala pola na ŭskrainie ahraharadka.
Fota bresckaj milicyi
Praź niekalki tydniaŭ vyrašyŭ pravieryć stan mašyny, bo źbiraŭsia vystavić jaje na prodaž, paviedamlaje Miedyja-Paleśsie.
Kali ŭładalnik pryjšoŭ da hruzavika, to pabačyŭ, što piarednija fary, pakazalniki pavarotaŭ, lusterka i škło pasažyrskich dźviarej raźbityja, a bienzabak uskryty. Škodu mužčyna acaniŭ u tysiaču rubloŭ.
Supracoŭniki kryminalnaha vyšuku ŭstanavili, što paškodzili hruzavik miascovyja dzieci, 10, 11 i 12 hadoŭ, jakija takim čynam vyrašyli pahulacca.
Pakolki dzieci jašče nie dasiahnuli ŭzrostu kryminalnaj adkaznaści, za ich buduć adkazvać baćki.