Sotni viernikaŭ pryjšli pamalicca da zabranaj carkvy «Novaje žyćcio» ŭ Sucharavie FOTA
17 lutaha sudovyja vykanaŭcy ŭvajšli ŭ carkvu ŭ supravadžeńni milicyi, apisali majomaść. U budynku išła malitva. Prychadžanie, kab paźbiehnuć aryštaŭ, vymušanyja byli pakinuć carkvu.
Historyja supraćstajańnia ŭładaŭ i carkvy ciahniecca z 2005 hoda: mienavita tady horad vyrašyŭ vysielić «Novaje žyćcio» z zajmanaha im budynka, adramantavanaha jašče ŭ 1992 hodzie na miescy karoŭnika.
Pavodle źmien, jakija byli ŭniesieny ŭ prajekt detalovaha płanavańnia Sucharava i ŭchvaleny ŭ 2019 hodzie, na miescy carkvy pavinna vyraści škoła.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda. Varta adznačyć, što ŭ 2020-m pastar «Novaha žyćcia» znoŭ rezka asudziŭ biezzakońni i źvierstvy.
U sieradu ŭ budynak pryjšli sudovyja prystavy i zrezali zamki.