U Šviecyi robiać bolš žorstkimi abmiežavańni z-za karanavirusa
Ułady Šviecyi rychtujucca ŭvieści novyja abmiežavańni, kab strymać rost kolkaści chvorych na COVID-19 na fonie raspaŭsiudu bolš zaraznaha «brytanskaha» štamu karanavirusa.
Anders Tehnieł. Fota TT
Pra heta paviedamiŭ hałoŭny epidemijołah krainy Anders Tehneł, piša RBK.
«Brytanski» varyjant raspaŭsiudžvajecca vielmi chutka. Hety varyjant ź vialikaj imaviernaściu budzie pieravažać nad inšymi na praciahu niekalkich tydniaŭ ci miesiaca», — skazaŭ jon.
Šviecyja — adna ź niamnohich krain, jakija admovilisia ŭvodzić strohi karancin u suviazi z pandemijaj. U červieni 2020 hoda Tehneł pryznaŭ, što padychod uładaŭ da baraćby z raspaŭsiudžvańniem infiekcyi pryvioŭ da zanadta vialikaj kolkaści śmierciaŭ.
Z pačatku pandemii ŭ Šviecyi zarehistravali 642 tysiačy vypadkaŭ, pamierli ad karanavirusa 12,7 tys. čałaviek. Pa kolkaści śmiarotnych vynikaŭ na 1 młn žycharoŭ Šviecyja zajmaje 23-je miesca ŭ śviecie — pakazčyk składaje 1254. U toj ža čas jaje susiedzi Finlandyja i Narviehija ŭ hetym śpisie znachodziacca značna nižej — na 107-m i 114-m miescach. U Finlandyi na 1 młn žycharoŭ prypadaje 133 śmierci ad karanavirusa, u Narviehii — 112.