Stała viadomaja ličba: ź leta 2020 hoda raspačata bolš za 2300 palityčnych kryminalnych spravaŭ
Pra heta zajaviŭ staršynia Śledčaha kamiteta Ivan Naskievič u siužecie na BT, pryśviečanym vynikam «Usiebiełaruskaha schodu».
«Vidavočna, što ŭsie pravaachoŭniki aceńvajuć vyniki [Usiebiełaruskaha narodnaha] schodu praz pryzmu postelektaralnych padziejaŭ, jakija adbylisia ŭ krainie pačynajučy ź leta 2020 hoda. Tak, padraździaleńniami Śledčaha kamiteta raspačata i rasśledujecca bolš za 2300 kryminalnych spravaŭ ekstremisckaj skiravanaści», — zajaviŭ staršynia Śledčaha kamiteta Ivan Naskievič na BT.
Pad «ekstremisckaj skiravanaściu» ŭ Biełarusi ciapier razumiejuć pieravažna spravy ab publičnych pratestach.
Takoha maštabu palityčnych represij Jeŭropa nie viedała ad časoŭ fašysckaj dyktatury ŭ Hrecyi ŭ 1970-ja i vajennaha stanovišča ŭ kamunistyčnaj Polščy ŭ 1981-1983.