«Ja čakaju, pakul Uładzimir Uładzimiravič laža spać». Makiej zabaraniaje žoncy havaryć pa telefonie pozna ŭviečary
Ministr zamiežnych spraŭ Biełarusi Uładzimir Makiej u prahramie «Markaŭ. Ničoha asabistaha» na telekanale ANT raspavioŭ ab adnosinach sa svajoj žonkaj.
«Viadoma, my časam spračajemsia, ale da kanfliktaŭ sprava nikoli nie dachodziła i, pierakanany, nie dojdzie. A prablema ŭ tym, što vielmi šmat havoryć pa telefonie. To niekatory čas tamu ja byŭ navat vymušany ŭvieści režym razmoŭ pa telefonie: paśla 22.00 była zabarona», — raspavioŭ kiraŭnik MZS.
Viera Palakova patłumačyła, što ciapier doma nichto nie razmaŭlaje paśla hetaj hadziny pa telefonie, ale jana sprabuje vykručvacca, bo pastanoŭka novaha śpiektakla patrabuje vialikaj pracy i pastajannaha kantaktu z režysioram. «Ja čakaju, pakul Uładzimir Uładzimiravič laža spać, i potym ja cichieńka ŭ padvał idu… Ale časam jon pračynajecca — i tady ŭsio», — pryznałasia jana.
«Usio viedajem i čujem», — dadaŭ Uładzimir Makiej.