Siamja Aleksinych kuplaje «Ideja Bank» za 16 miljonaŭ jeŭra
«MTBank», 99% jakoha vałodaje siamja biznesmiena Alaksieja Aleksina, zaklučyŭ papiaredniuju damovu ab kupli «Ideja Banka».
Alaksiej Aleksin, fota Dźmitryja Bruško, Tut.by
99,999% akcyj «Ideja Banka» buduć nabytyja ŭ polskaha chołdynha Getin Holding za 50 miljonaŭ rubloŭ da 2 krasavika 2021 hoda.
Ułaśnikami «MTBanka» źjaŭlajucca Inna Aleksina, Dźmitryj Aleksin i Vital Aleksin — adpaviedna žonka i dva syny Alaksieja Aleksina, jaki zajmaje 4-je miesca ŭ rejtynhu samych paśpiachovych i upłyvovych biznesmienaŭ Biełarusi.
Praz pahrozu sankcyj jon pierapisaŭ častku svaich biznesaŭ na dziaciej.