Milicyja: Zatrymanyja pad Maładziečnam źbiralisia spalić pudziła na Maślenicu ŭ čyrvona-zialonych kolerach
U milicyi prakamientavali interfax.by siońniašniaje zatrymańnie dvuch dziasiatkaŭ ludziej pad Maładziečnam.
Supracoŭniki AMAPa zatrymali za ŭdzieł u «niesankcyjanavanym masavym mierapryjemstvie» na katedžnym učastku ŭ Maładziečanskim rajonie 25 čałaviek, jany źbiralisia spalić na Maślenicu pudziła ŭ kolerach aficyjnaha ściaha.
«Pry sabie va ŭdzielnikaŭ była bčb-simvolika, a taksama fihura dla spaleńnia ŭ adzieńni kalarovaj hamy nacyjanalnaha ściaha. Svaje dziejańni, jakija pakazvali vidavočnuju niepavahu da hramadstva, ludzi, što sabralisia, zapisali na kamiery hadžetaŭ», — paviedamiła aficyjny pradstaŭnik UUS Minskaha abłvykankama Alaksandra Papova ŭ niadzielu.
Dla razboru zatrymanyja (usie minčuki) byli dastaŭleny ŭ Maładziečanski RAUS.