Troch čałaviek ź Biarozy aštrafavali na 1160 rubloŭ za fota ź bieł-čyrvona-biełymi ściahami na dačnym učastku
Pa 40 bazavych vieličyń štrafu (pa 1160 rubloŭ) atrymali try aktyvisty Biarozy. Padstavaj staŭ zdymak, na jakim nie vidać tvaraŭ, što stajać ź bieł-čyrvona-biełymi ściahami na dačnym učastku, paviedamlaje Radyjo Racyja.
Ivan Bierynčyk
Biarozaŭskija milicyjanty vyrašyli, što adkaznymi z 16 čałaviek na zdymku stali troje. Heta Uładzimir Zubrycki, Valancina Tarasiuk i Ivan Bierynčyk.
Staršyniu Biarozaŭskaha suda Natallu Vakulčyk i sudździu Natallu Minčanku, jakija viali praces 26 lutaha, zadavolili śviedčańni milicyjantaŭ pra niejkaha vidavočcu, jaki raskazaŭ, chto na zdymku, ale nie zapomniŭ, dzie stajać abvinavačanyja, raskazaŭ Ivan Bierynčyk.
«Aštrafavali za toje, što śviedka, jaki vyrašyŭ zastacca inkohnita, skazaŭ, što ja tam znachodziŭsia, što ja tam fatahrafavaŭsia. Sam milicyjant prosta nie adznačyŭ dzie. A što ja tam jość, jon u hetym upeŭnieny», — kaža aktyvist.