Centr Hamalei: «Sputnik V» efiektyŭny suprać novych štamaŭ karanavirusa
Dzianis Łahunoŭ, namieśnik dyrektara Centra imia Hamalei, dzie była raspracavanaja «Sputnik V» paviedamiŭ, što paŭtornaje ŭviadzieńnie rasijskaj vakcyny (revakcynacyja) stvaraje efiektyŭnuju abaronu suprać mutacyj kavidu, u tym liku suprać brytanskaha i paŭdniovaafrykanskaha varyjantaŭ.
Fota Depositphotos.com
Vyniki hetaha daśledavańnia rasijskija daśledčyki abiacajuć apublikavać u bližejšy čas, piša Sky News.
«Sputnik V» źjaŭlajecca viektarnaj vakcynaj. Heta značyć, što biasškodnyja madyfikavanyja virusy pieradajuć arhanizmu hienietyčny materyjał, jaki dapamahaje vypracavać imunitet suprać infiekcyi.
Padčas revakcynacyi vykarystoŭvalisia tyja ž adenavirusnyja viektary rasijskaj vakcyny, što nijak nie paŭpłyvała na vysokuju efiektyŭnaść vakcyny. Niekatoryja daśledčyki aścierahajucca, što arhanizm čałavieka moža vypracavać imunitet da samoha viektara, što ŭ budučyni zrobić vakcynu nieefiektyŭnaj.
Adnak stvaralniki «Sputnik V» pierakananyja, što heta nie stanie prablemaj u budučyni. Antycieły da adenavirusnaha viektara, jakija mohuć zrabić vakcynu nieefiektyŭnaj, źnikajuć z arhanizma čałavieka ŭžo na 56-y dzień paśla vakcynacyi, jak vyjavili papiarednija daśledavańni.