Pryjšoŭ HUBAZiK, pytaŭsia pra supracoŭnictva sa Ściapanam Puciłam. Što za zatrymańni byli ŭ internacie BDU?
Siońnia ŭ Minsku prajšli zatrymańni aktyvistaŭ i administrataraŭ telehram-čataŭ. Siarod zatrymanych akazalisia mahistranty histfaka BDU — Alaksandr Paršankoŭ i Alaksandr Novikaŭ. Paršankova praź niejki čas adpuścili, jon raspavioŭ «Našaj Nivie», što adbyvałasia.
«Ja ŭznačalvaju volny prafsajuz studentaŭ BDU, Saša tudy taksama ŭvachodzić. My ź im najlepšyja siabry. Razam žyviom u pakoi, razam prachodzili Žodzina.
Siońnia da nas a 7-j ranicy pryjšli ŭ internat z HUBAZiKa. Skazali: techniku źbirajcie i jedziem. Pa jakoj spravie, u jakim statusie — nie tłumačyli. Z nami pavodzili siabie vietliva. U vyniku techniku prahladzieli i addali. Mnie vynieśli papiaredžańnie ab nastupstvach udziełu ŭ masavych mierapryjemstvach i adpuścili».
Alaksandr Novikaŭ (źleva) i Alaksandr Paršankoŭ.
Novikavu pašancavała mienš — jaho adpravili na Akreścina. U čym sprava, jaho siabar dakładna nie viedaje. Milicyja zapisvała Novikava na videa, pytałasia pra supracoŭnictva z kanałam Ściapana Puciły.
Telehram-kanał volnaha prafsajuza BDU byŭ uzłamany, adtul vydalili padpisantaŭ. Ciapier dostup da kanała viarnuŭsia stvaralnikam.