Ukraina viarnuła Biełaruś u «zialony» śpis pa karanavirusie
Biełarusy znoŭ mohuć naviedvać Ukrainu bieź izalacyi albo testu. Biełaruś znoŭ viarnułasia ŭ tak zvanuju zialonuju zonu.
Ciapier hramadzianam Biełarusi dla pierasiačeńnia ŭkrainskaj miažy bolš nie patrabujecca pradastaŭlać PCR-testy. Taksama nie treba budzie pa prybyćci ŭ krainu adbyvać 14-dzionny karancin.
Adzinaje patrabavańnie, jakoje nieabchodna vykonvać, — mieć pry sabie miedycynskuju strachoŭku, jakaja pakryje vydatki na lačeńnie COVID-19, vydadzienuju ŭkrainskaj strachavoj kampanijaj abo zamiežnaj, jakaja maje pradstaŭnictva va Ukrainie. Pa prybyćci va Ukrainu z krain «čyrvonaj» zony samaizalacyja ŭsio ž patrabujecca.