U Smarhonskim rajonie ŭ DTZ zahinuła čatyrochhadovaja dziaŭčynka
Pra heta paviedamili BiełaPAN va ŭpraŭleńni DAI MUS.
10 červienia ŭ 20.00 kala vioski Žalihava 25‑hadovaja žycharka Smarhoni, jakaja atrymała paśviedčańnie na kiravańnie paŭhoda tamu i nabyła mašynu tydzień tamu, znachodziačysia za rulom «Dodža», pry abhonie nie spraviłasia z kiravańniem, źjechała ŭ kiuviet i pierakuliłasia.
U vyniku čatyrochhadovaja dačka, jakaja jechała ź joj, zahinuła. Dziaŭčynka znachodziłasia na rukach u adnaho z pasažyraŭ.
Usiaho za minułyja sutki ŭ Biełarusi ŭ DTZ zahinuli try čałavieki, 17 atrymali traŭmy.
10 červienia ŭ 23.00 32‑hadovy vadziciel na trasie Minsk — Mikaševičy vyjechaŭ na pałasu sustrečnaha ruchu i najechaŭ na 13‑hadovaha viełasipiedysta. U vyniku padletak atrymaŭ pierałom klučycy i byŭ dastaŭleny ŭ balnicu. DAI nahadvaje baćkam, što im nieabchodna kantralavać svaich dziaciej i sačyć, kab dzieci da 14 hadoŭ na viełasipiedach nie vyjazdžali na trasy.