Kiraŭnik NAN Biełarusi nazvaŭ fejkami čutki ab pavyšeńni radyjacyjnaha fonu kala AES
Uładzimir Husakoŭ abvierh infarmacyju ab pavyšeńni radyjacyi ŭ rajonie BiełAES. «Heta prosta fejki», — zajaviŭ jon na pres-kanfierencyi ŭ Miensku ŭ čaćvier, piša «Interfaks».
Husakoŭ zapeŭniŭ, što raspaŭsiudžanaja ŭ internecie infarmacyja pra nibyta pieravyšeńnie radyjacyjnaha fonu ŭ rajonie BiełAES, nie adpaviadaje rečaisnaści.
«Nijakija zboi na stancyi nie adbyvajucca. Adbyvajucca płanavyja spynieńni, adpracoŭvajucca roznyja režymy pracy. Tamu stancyja pracuje va ŭstanoŭlenym narmalnym režymie», — zapeŭniŭ kiraŭnik NAN Biełarusi.
Jon taksama zapeŭniŭ, što Akademija navuk zabiaśpiečvaje poŭnaje supravadžeńnie rabot na BiełAES ad pusku pieršaha enierhabłoka.